Komeleya Huner û Jiyana Ekolojîk a Mordemê
Em Kî Ne?
Komeleya Huner û Jiyana Ekolojîk a Mordemê, ku di sala 2017an de li Amedê ji aliyê hunermendan ve bi awayekî kolektîf hatiye damezrandin, navendeke hunerê ya serbixwe ye ku xwedî salona şano û sînemayê ya 160 kesî, stûdyoya dansê, polên mûzîkê û atolyeya peykersaziyê ye. Atolyeyên sînema, şano, mûzîk, dans û hunerên plastîk, festîvalên solo yên navneteweyî, festîvalên fîlman, pêşangeh û konseran li dar dixe.
Daxuyanî
Çalakî
Adar
11
SoloFest6: Li Ber Wendabûnê
SoloFest6 ya ku em ê îsal li dar bixin, mîrateya çandî û veguhestina wê dixe navendê. Di Festîvalên Solo yên Navneteweyî de, ku em bi îlhama ji kevneşopiya vegotina yek-kesî ya di çanda kurdî de li dar dixin, me cih da formên kevneşopiya vegotina yek-kesî yên çandên herêmî û biyanî û hewl da ku wan veguhezînin û zindî bihêlin.
Adar
1
8 Adar Mini Fest 4
Em wekî Komeleya Huner û Jiyana Ekolojîk a Mordemê, wekheviya zayendî û nêrîna jinan xistine navenda dîtina xwe. Ji roja ku em hatine damezrandin ve, em xebatên xwe bi mîsyona parastin, xurtkirin û belavkirina van nirxan didomînin.
Projeyên Me
Projeya NL 8. Nota
Projeya 8. Nota, ku di çarçoveya 100emîn salvegera peymana dostaniyê ya di navbera Holanda û Tirkiyeyê de bi piştgiriya Konsolosxaneya Giştî ya Holandayê hate pêkanîn, armanc dike ku bi rêya hunerê piştgiriyê bide başbûn û beşdariya civakî ya zarokên ji erdhejê bandor bûne û kesên xwedî pêşketina taybet.
Di Çapemeniyê De
soperec.com
Çarşema Zîpa: Rîtuelek ku di çanda Kurdî de biharê nîşan dide
Çarşema Zîpa, yek ji kevneşopiyên herî rengîn ên çanda Kurdî ku bi xwezayê ve girêdayî ye, festîvalek biharê ye ku her sal ji Çarşema dawî ya Sibatê dest pê dike û sê hefteyan li gorî salnameya xwezayê ya kevnar a herêmê tê pîrozkirin. Ev rîtuel têkiliya kûr a bi ax, av û hewayê, baweriyên kevnar û hevgirtina civakî re nîşan dide.
Torên Me
Werin Em Bi Hev Re Hunerê Zindî Bihêlin
Atolye, festîval û xebatên Mordem Sanat ên bi zarokan re bi piştgiriya xwebexş û bexşkaran berdewam dikin. Hûn jî bibin bexşkarên me.